![](https://blogger.googleusercontent.com/img/b/R29vZ2xl/AVvXsEhcKFOL-YWn4gVT1PFmGl58j5YH4B1KLeX-YkSy8Yi1m98v-eVbxIemMSJqIV3IX8R7IMzQThvoddWna6UJWPFHv172MYuOcPdSslkJ2OYdnX0_HY8dGk6DCqIFHXIFDt33WzVgJ8gb6rU/s400/CCapture+%2528211%2529.jpg)
![](https://blogger.googleusercontent.com/img/b/R29vZ2xl/AVvXsEh9ac7Ys6sInlHlMl5OZO1U-fDxpthJj8TUGhNhjgTlpLXMcIKMQRH8C1l2cLwWd_4SI-I6iALERW0FiMR3-0XPt6N2tvuacBDcN22J8LcSwAz6YupXCsJEWkUH9Xhi-CFLq2cxI4uv8L0/s400/CCapture+%2528212%2529.jpg)
O da sementeira referíase a un pequeno terreo que hoxe está de monte, dunha viña determinada. Esta dispuña de auga e ata de entrada a unha pequena mina, onde caibía, con certa dificultade, unha persoa. Esta viña remataba, pol parte de abaixo, nun lavadoiro pequeno, inda visible hoxe, e que segue chamando a atención pola zona onde está. Como curiosidades a maiores, dicir que pola parte de arriba, noutro sucalco, hai unha poza, hoxe seca, e que un rego levaba auga dende alí ata a altura a casa de don Paco, sita nos Veciños.
Outro rego de agua atavesaba parte da viña do Pireiro e remataba no monte que hoxe temos diante. Debido á maleza non o vin, pero dinme que alí hai outro lavadoiro pequecho.
A un paso de onde debería estar o rego quedan os restos dun cruceiro. Este estaba situado na Alfarrapa e rompeuse por causa dun carro. Recolléronse os restos e deixáronse ben á vista no muro da viña do Pireiro, daquelas propiedade de don Esteban, o párroco. O tempo pasou e levantouse un novo. Alá está, a un paso da Telleira, no camiño da Alfarrapa, nun lugar que debería visitar en breve e fotografiar. Os anacos quedan inda hoxe no muro, nun cruce de camiños, cumplindo a súa labor de bendición.
A un paso de onde debería estar o rego quedan os restos dun cruceiro. Este estaba situado na Alfarrapa e rompeuse por causa dun carro. Recolléronse os restos e deixáronse ben á vista no muro da viña do Pireiro, daquelas propiedade de don Esteban, o párroco. O tempo pasou e levantouse un novo. Alá está, a un paso da Telleira, no camiño da Alfarrapa, nun lugar que debería visitar en breve e fotografiar. Os anacos quedan inda hoxe no muro, nun cruce de camiños, cumplindo a súa labor de bendición.