sábado, 13 de agosto de 2016

Entrevista a María José Rogina.

Que gusto dá pararse un rato con amigos e coñecidos para sacarlles gustos frikis. Desta vez, traio aquí unha fan de Star Wars (SW) que ten en casa o buscadísimo e rengadísimo libro El ojo de la mente, a primeira novela SW, se non meto a pata. Unha profe que é capaz de porlle fórmula e cariño a actividades que fan que che acaben gustando as matemáticas. E unha amiga que me dá a sorpresa de descubrirme gustos terroríficos que me alumbran un sorriso. Non comentei inda no blog ningunha das dúas pelis que despois veredes, pero coñézoas e agora mirareinas cun toque de cariño e gracia, sabendo que non son o único, xunto con Alberto-Claustroman, que gusto do pasado cine do pasado.

Imos aló!!


- Distrito Star Wars, un espacio na Rede feita dende o cariño e a dedicación dunha fan da saga. Cóntanos un pouco a súa historia e a túa implicación nesta realidade.
A historia empeza no ano 2002. Estaba nun momento baixo e eu visitaba moito a páxina do Distrito e vin que andaban a busca de colaboradores e decidinme a escribirlles para pasar un pouco o rato durante o verán. O primeiro que me mandaron facer foi fichas das naves, pero enseguida empecei coas dos personaxes e cando me descoidei estaba facendo fichas de todo. Ao final quedei sola na páxina e no 2011 pechou Telepolis que aloxaba o Distrito. Nese momento decidín crear o blog e seguir adiante coa miña afición.
- Es profesora e un paxariño contoume que diseñaches unhas actividades para facer amables as mates a partir de SW. A ver, a ver...
Unha tolada que empezou na primeira Celebration a que fun en Londres. Alí pensei que tiña que relacionar dalguna maneira as dúas cousas que máis me gustaban, as mates e Star Wars. Ocurríuseme que unha actividade do Distrito valería para elo, un móvil feito con naves de Star Wars. O certo é que tanto as naves como os droides teñen moita xeometría y dan moito xogo á hora de introducirlla aos rapaces. Ao final colaborando cunha compañeira de plástica os rapaces fixeron unhas maquetas de droides e o móvil e a experiencia foi publicada na revista de matemáticas Gamma.
- Sempre que podes alá vas. Son moitos os eventos nos que tes participado ou levado adiante. Que nos contas dos últimos nos que estiveches, relacionados con SW?
Os últimos nos que estiven foron Metrópoli en Xixón e na Celebration Europe en Londres. Ambas experiencias foron estupendas. Metrópoli foi punto de reunión de todas as asociación españolas e alí coincidín cun montón de amigos que facia moito que non via, creo que a parte do ben que poida estar o evento o mellor e iso, ver ós amigos cos que estás en contacto pero que non podes ver por cuestión de distancia. Na Celebration é distinto, tamén coincides con xente doutros rincóns do planeta que só coñeces por Internet, pero tamén tes a oportunidade de ver cousas que non podes ver por aquí.
- E, claro, a eses eventos non se vai de calquera forma, verdade? Sácate de armario e dinos que traxes nos atopamos e soes vestir, caracterizándote para as ocasións.
Puff, teño o armario cheo, jaja. O meu primeiro traxe foi o de Leia Bespin, despois o de Leia Endor, Leia Ceremonial, Jedi, Leia clásico (o das “ensaimadas”), piloto de ala-X e Rey. Además podo presumir de que todos están dados de alta a nivel internacional e que sou a primeira e única Rey que hai na Rebel Legion de España.
- Estando contigo en casa vimos unha manchea de figuriñas. Toda unha vida de colección pola casa adiante, jeje. Cando comezaches? Que pezas consideras un tanto as xoias da túa persoal coroa?
Empecei no 2002, case ao mesmo tempo de empezar no Distrito. Tiña libros e comics e non me habia dado polas figuriñas. As miñas xoias? Hai un par delas que son ás que lles teño máis cariño. Un R2 que cando lle apretas a barriga da uns pitidiños e unha boneca de Leia Ceremonial, que é unha Barbie que leva ese traxe.

- Miremos un pouco máis alá e metámonos nos teus gustos cinematográficos en xeral. Neste blog doulle voz a títulos máis ou menos antigos que teñen que ver ca ciencia ficción, o terror e o suspense,... pero ti, que xéneros gustas de ver na gran pantalla ou no teu fogar e que títulos nos recomendarías para este cálido mes estival?
Encántanme as pelis de acción e aventuras. As de Indiana Jones súper recomendables para unha noite de verán. Pero tamén me gustan moito as pelis antigas de terror, aquelas de serie B nas que saían actores coma Bela Lugosi, Peter Cushing, Christopher Lee… esas son as millores para pasar unha boa noite de cine. Hay un par delas que me encantan: A momia, protagonizada por Cushing e Lee e Los 7 vampiros de oro. Con esas paseimo de medo, no dobre sentido.
- Cerremos este momento cunha mirada ó asociacionismo dos fans de SW. Ti pertences, se non me trabuco, a dúas asociacións, non si? Con que boas experiencias te quedas delas?

Estou en dúas, a Tropa Korriban e a Rebel Legion. As experiencias son boas en ambas e son tantas que empezaría a decilas e non paraba, pero si teño que quedar con algunas te direi que as mellores experiencias son as visitas a os hospitais e as que involucran nenos. As cariñas de ilusión que teñen cando te ven non teñen precio e outra da que gardo un moi bo recordo e a miña participación na zona de familia da Rebel na Celebration de Alemania. E tamén coñecer persoalmente aos actores da saga.